Facebook–ում Վիտալինա Ցիմբալյուկ–Ռոմանովսկայայի պաշտոնական էջում հայտնվել է գրառում, որը կատարել է պետերբուրգցի հայտնի լուսանկարիչ Անդրեյ Ֆեդեչկոն։ «Ահա այսպես են ծնվում բամբասանքները»,– գրել է նա՝ հրապարակելով լուսանկար, որում Ցիմբալյուկ–Ռոմանովսկայան անկողնում է։ Նշենք, որ Արմեն Ջիգարխանյանի նախկին կինը ծածկոցով մինչեւ ականջները ծածկել է մարմինը, գրում է «Դնի» կայքը։
Դաշնակահարուհու բազմաթիվ հետեւորդներ ուղղակի հիացմունքի մեջ են հայտնվել։
Միաժամանակ դեկտեմբերի 6-ին կայացել էր Ցիմբալյուկ–Ռոմանովսկայայի առաջին հարցաքննությունը՝ անձնական կյանքի գաղտնիքը բացահայտելու գործի շրջանակներում։ Այս մասին լրագրողներին հայտնել է Ջիգարխանյանի նախկին կնոջ պաշտոնական ներկայացուցիչ Էլինա Մազուրը։ Դաշնակահարուհին պետք է պատասխան տա Արմեն Ջիգարխանյանի աշխատասենյակում տեղադրված գաղտնի տեսախցիկների համար։
Տեսագրությունը, որը ցուցադրել էին Անդրեյ Մալախովի «Ուղիղ եթեր» շոուի ժամանակ, արվել էր նախքան զույգի ամուսնալուծությունը։ «Ոչ, դու էժանագին կին չես, ավելին՝ սարսափելի էժան կին ես։ Լցրու։ Եկել ես այստեղ, շատ հարմար դիրքորոշում է։ Ափսոս, որ դու դա չես հասկանում։ Ես կարծում էի՝ գլուխդ աշխատում է, իսկ պարզվում է՝ ոչ։ Այս ամենը դեբիլիզմի վրա է կառուցված»,– ասել էր Ջիգարխանյանը։
Սակայն Վիտալինա Ցիմբալյուկ–Ռոմանովսկայան չէր բացահայտել կոնֆլիկտի պատճառները։ «Միգուցե, նա ուղղակի կոպտում է»,– ենթադրություն էր արել նա եւ ասել, որ դժվարանում է դա մեկնաբանել։