News
Լրահոս
News
Կիրակի
Օգոստոս 19
Տեսնել լրահոսը

ԱԺ ՀՅԴ խմբակցության ղեկավար Արմեն Ռուստամյանը թերահավատորեն է վերաբերում հարցումներին, որովհետեւ դրանք սովորաբար  հակառակ արդյունքն են ցույց տալիս: Այս մասին այսօր՝ դեկտեմբերի 7-ին, խորհրդարանում լրագրողների հետ զրույցում ասաց ՀՅԴ խմբակցության ղեկավարն՝ անդրադառնալով Gallup International Association-ի անցկացրած հարցոււմներին:

Այդ հարցումների համաձայն՝ հարցվածների  26.7 տոկոսը դրական է գնահատում ՀՀ նախագահի աշխատանքը, 26.2 տոկոսը՝ ՀՀ վարչապետ Կարեն Կարապետյանի:

Նկատենք, որ հարցումներից նաեւ պարզ է դարձել, որ Կարապետյանի վարկանիշը 85 տոկոսից նվազել է՝ հասնելով 57-ի:

Դիտարկմանը, որ գուցե այս կերպ հող են նախապատրաստում՝ 2018 թվականին Սերժ Սարգսյանի կառավարության ղեկավարի պաշտոնը ստանձնելու համար, Ռուստամյանը չհամաձայնեց. «Որեւէ հող նախապատրաստելու խնդիր չեմ տեսնում ի՞նչ է հարցումներով են հող նախապատրաստում: Հող նախապատրաստում են գործողություններով, որոնք իրենց տրամաբանությամբ ընթանում են»:

Արմեն Ռուստամյանը կարծում է, որ վարչապետի վարկանիշը ոչ թե իջել է, այլ ճիշտ հակառակը՝ կառավարությունը լուրջ արդյունքներ է ցույց տալիս:

«Հանրային ընկալմամբ կարող է դա չերեւալ, որովհետեւ տեմպերը գոհացուցիչ չեն, իսկ փոփոխությունների ուղղությունը ճիշտ է ընտրված եւ պետք է տեմպերն ավելացվեն»,- նշեց Արմեն Ռուստամյանը:

Հարցին՝ կա՞ հանրապետականի շարքերում անձ, որը կփոխարին Սերժ Սարգսյանին մասնավորապես արտաքին քաղաքականության հարցում. «Անփոխարինելի մարդիկ չկան, իսկ արտաքին քաղաքականությունը, բնականաբար, պետք է ավելի նոր որակով եւ մակարդակով իրացվի, խորհրդարանական համակարգը ենթադրում է թիմային աշխատանքը»:

Իսկ հարցին՝ Կարեն Կարապետյանը կկարողանա՞ փոխարինել Սերժ Սարգսյանին, Ռուստամյանը պատասխանեց. «Ինչո՞ւ չէ, Կարեն Կարապետյանը ցույց է տվել, որ չի՞ կարող, իհարկե, կարող է»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Թող որեւէ մեկը փորձի ընտրակաշառք բաժանել կամ բարեգործություն անել. Անահիտ Բախշյան
Չեմ կարող ասել՝ բացառված է, բայց, ամեն դեպքում, չի կարող լինել այնպես, ինչպես նախկինում...
ՀԱԿ-ը Երեւանի ավագանու ընտրություններին չի մասնակցի. հայտարարություն
Ի աջակցություն ապրիլյան հեղափոխությունը առաջնորդած ուժի որդեգրած քաղաքական գծի...
ՀՀ-ում ժողովրդավարությունը հսկայական քայլերով նահանջ է ապրում. Արփինե Հովհաննիսյանը՝ Փաշինյանի ելույթի մասին
եթե չփոխվեն մոտեցումները նշանակում է` մենք հրաժարվում ենք խոսքի ազատությունից, հետեւաբար նաեւ ժողովրդավարությունից...
Արթուր Գեւորգյանը` Ռոբերտ Քոչարյանի քաղաքականություն վերադարձի մասին
Լրագրողի հակադարձմանը, թե դրանք տարբեր իրավիճակներ էին, պատգամավորը նշեց...
Քոչարյանի՝ քաղաքականություն վերադառնալու որոշումը դրական եմ գնահատում. Վարդան Բոստանջյան
Անկախ այն հանգամանքից, որ 25-ից ավելի տարի է անցել՝ դեռեւս քաղաքական դաշտը չի կարելի համարել ձեւավորված...
Ռոբերտ Քոչարյանը կարող է լավ տեղ զբաղեցնել քաղաքական դաշտում. քաղաքագետ
Քաղաքագետի խոսքով՝ հիմնական ուղերձները, որոնք...
Partner news