Եվրամիությունն զգուշանում է է Երուսաղեմի սրբավայրերի շուրջ եւ տարածաշրջանում լարվածության սրացումից ԱՄՆ նախագահ Դոնալդ Թրամփի՝ Երուսաղեմն Իսրայելի մայրաքաղաք ճանաչելու եւ ամերիկյան դեսպանատունն այնտեղ տեղափոխելու մասին հայտարարությունից հետո: Այդ մասին հայտարարել է ԵՄ դիվանագիտության ղեկավար Ֆեդերիկա Մոգերինին, փոխանցում է «ՌԻԱ Նովոստին»:
«Վատթարագույնը, որ կարող է հիմա կատարվել, լարվածության սրացումն է սրբավայրերի շուրջ եւ տարածաշրջանում, քանի որ այն, ինչ կատարվում է Երուսաղեմում, նշանակություն ունի ողջ տարածաշրջանի ու աշխարհի համար», - լրագրողներին ասել է Մոգերինին: