Տոնական եւ նախատոնական օրերին մաքսային ծառայությունն ու առեւտրային բանկերը աշխատանքային գրաֆիկ պետք է սահմանեն: Այս մասին, այսօր՝ դեկտեմբերի 7-ին, կառավարության նիստում հայտարարել է ՀՀ վարչապետ Կարեն Կարապետյանը:
«Նախորդ նիստի ընթացքում հանձնարարկան էր տվել ՊԵԿ-ին ու առաջարկվել էր Կենտրոնական բանկին բոլոր մաքսատներում ու առեւտրային բանկերում դեկտեմբերի 2-ից մինչեւ հունվարի 7-ը, շաբաթ, կիրակի եւ տոնական օրերին սահմանել աշխատանքների կազմակերպման հերթապահություն:
Հաշվի առնելով այս ժամանակահատվածում արձանագրված եւ ակնկալվող ներմուծման, արտահանման ծավալների ու հաճախականության կտրուկ ընդլայնումը, դրանից բխող մաքսային սահմանով տեղափոխվող ապրանքների մաքսային ձեւակերպումների եւ ծառայությունների մատուցման ծավալները, անհրաժեշտություն է առաջացել բոլոր մաքսատներում, ինչպես նաեւ Սննդի անվտանգության պետական ծառայության բոլոր բաժանմունքներում նախատեսել արտաժամյա աշխատանքային գրաֆիկ՝ միաժամանակ ապահովելով մաքսակետերում գործող բոլոր բանկերի մասնաճյուղերում համապատասխան վճարումների արտաժամյա կատարման հնարավորություն»,- ասաց վարչապետը:
Ի պատասխան Կարեն Կարապետյանն ասաց. «Ես կարծում եմ` կարիքը լինելու է այսօրվանից ի վեր մինչեւ հունվարի 7-ը: Նույնը ՊԵԿ-ում, ապահովում եք արտակարգ իրավիճակ, որ կլիենտը որեւիցե պրոբլեմ չզգա»:
