News
Լրահոս
News
Չորեքշաբթի
Դեկտեմբեր 12
Տեսնել լրահոսը

Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության գործով առանցքային վկան հեռացել է Հայաստանից: Այս մասին NEWS.am-ի հետ զրույցում ասաց սպանված կուրսանտի հայրը՝ Արկադի Բարսեղյանը:

Նա նշեց, որ առանցքային վկա Սամվել Սերոբյանը մեկ անգամ դատարան գնացել է ցուցմունք տալու, սակայն, նրա ինքնազգացողությունը դատարանում վատացել է եւ դատական նիստը հետաձգվել է: Դրանից հետո, վկան իմանալով, որ ինքը դատակոչված է, լքել է Հայաստանի տարածքը. «Նիստերն անընդհատ հետաձգում են, կարեւոր վկան էլ լքել է ՀՀ տարածքը՝ իմանալով, որ դրա իրավունքը չուներ»:

Սամվել Սերոբյանը Հայկազ Բարսեղյանի սպանության օրը գտնվել է նույն ննջարանում, այս գործով նա համարվում է կարեւոր վկաներից, սակայն, արդեն մի քանի նիստ է՝ դատարանը չի կարողանում ապահովել նրա ներկայությունը: Նշենք, որ այս գործով նիստերն հաճախ են հետաձգվում՝ պաշտպանների բացակայության, վկաների՝ դատարան չներկայանալու եւ «Սասնա ծռեր» խմբի գործով նիստերի պատճառով:

Այս գործով վկաների հարցաքննության փուլն է, կուրսանտ Հայկազ Բարսեղյանի սպանության գործով դատակոչված 30 վկա կա, որոնցից 5-ը դատարանում դեռ ցուցմունք չի տվել: Նրանք զինծառայողներ են, իսկ առանցքային վկաներից մեկը՝ Սամվել Սերոբյանը, զորացրվել է եւ այս պահին արտերկրում է:

Հայկազ Բարսեղյանի սպանության համար մեղադրվում են նրա համակուրսեցիները` կուրսանտներ Գնել Թեւոսյանը, Նորիկ Սահակյանը, Վաչե Սահակյանը եւ Մովսես Ազարյանը։ Ըստ մեղադրանքի՝ նրանք 2015թ. հունվարի 29-ին՝ ժամը 02:00-ից 03:00-ի սահմանում, զորամասի ննջարանում դաժանությամբ սպանել են կուրսանտ Հայկազ Բարսեղյանին, ապա հետքերը թաքցնելու նպատակով կախել նրա մարմինը մարզահրապարակում գտնվող պտտաձողից, նրա անունից գրություն թողել, թե իբր ինքնասպան է եղել: Ամբաստանյալներն իրենց մեղավոր չեն ճանաչում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՊՆ-ն մտադիր է Զինված ուժերում ներդնել նոր սարքավորումներով եւ արդիականացված ճաշարանային համալիրներ
Նշված նպատակի իրագործման համար կիրականացվի փորձնական ծրագիր՝ միջինում 8000 զինծառայողների համար սննդի կազմակերպման գործընթացը...
Ժամկետային զինծառայողը ծառայակցին ստորացրել է, ենթարկել բռնությունների, կատարել է այլ հակաբարոյական գործողություններ. ՔԿ
Ավարտվել է ժամկետային զինծառայող Նարեկ Ադիբեկյանի սպանության դեպքի առթիվ քրգործի նախաքննությունը...
Ամեն զինվորի մահ ողբերգություն է եւ ամեն դեպքով ձեռնարկում ենք գործողություններ. ՔԿ նախագահը՝ զոհերի հարազատներին
Հայաստանի Հանրապետության վարչապետի պաշտոնակատար Նիկոլ Փաշինյանը ՀՀ Քննչական կոմիտեի նախագահ Հայկ Գրիգորյանի հետ հանդիպել է մահացած զինծառայողների հարազատների հետ...
Բանակում ուտելիքը սարսափելի է. էդ մեծ-մեծ խոսացողներին պետք է տանք էդ տուշոնկեքն ու ասենք՝ դե սրանով ապրի. Փաշինյան
Ծառայության հետ կապված ամենամեծ շոկերից մեկն այն էր, որ ստացանք հեռախոսազանք, որ ինձ համար էս ուղարկեք, էս ուղարկեք, էն ուղարկեք…
Զեկույցները հանրայնացվում են. ՄԻՊ առաջարկները՝ ԶՈՒ մարդու իրավունքների երաշխավորման նպատակով (ինֆոգրաֆիկա)
Մարդու իրավունքների պաշտպանի աշխատակազմը սկսում է զեկույցների հանրայնացման գործընթաց, որոնք կներկայացվեն ինֆոգրաֆիկաներով...
ՄԻՊ-ի ներկայացուցիչները չհայտարարված այց են կատարել Տավուշի եւ Գեղարքունիքի զորամասեր
Նախորդ այցերի ժամանակ արձանագրված եւ Պաշտպանի կողմից բարձրացված առանձին խնդիրներ կապված բժշկական օգնության տրամադրման հետ ստացել են դրական լուծում...
Ամենաշատ
Partner news