Պաղեստինի նախագահ Մահմուդ Աբբասը հայտարարել է, որ ինքը համախմբել է միջազգային ընդդիմությանը Երուսաղեմն Իսրայելի մայրաքաղաք ճանաչելու մասին ԱՄՆ նախագահ Դոնալդ Թրամփի որոշման կապակցությամբ, հայտնում է AP–ը։
Հորդանանի թագավոր Աբդալլահ Երկրորդի հետ հանդիպման ժամանակ նախագահ Մահմուդ Աբբասը հայտարարել է, որ մերժում է Թրամփի որոշումը եւ կարծում է, որ ԱՄՆ հեղինակությանը տարածաշրջանում վնաս է հասցվել։
Նրա խոսքով՝ Պաղեստինին հաջողվել է հասնել արաբական աշխարհի համախմբմանը, քանի որ նրանք պատասխան են տալիս Թրամփի այդ քայլին։ «Բարեբախտաբար աշխարհի բոլոր երկրների կողմից դրական պատասխան է տրվել՝ Եվրոպայից մինչեւ Աֆրիկա եւ անգամ Ամերիկային մտերիմ երկրների կողմից, որոնք չաջակցեցին ԱՄՆ այս որոշումը»,– ասել է նա եւ հավելել, որ այդ ամենը մեսիջ է Թրամփին, որ նրա քայլն անընդունելի հանցագործություն է։