Թուրքական իշխանությունները ցանկանում են մեկ տարվա ազատազրկման դատապարտել գեղեցկության մրցույթի նախկին թագուհուն, ով զրկվել էր իր թագից`անցյալ տարվա հուլիսին հեղաշրջման փորձի զոհերի մասին «վիրավորական» հրապարակման պատճառով:
Ստամբուլում դատախազները 18-ամյա Իտիր Էսենին Twitter-ի իր էջում «բնակչության մի մասին բացահայտ վիրավորելու» մեջ են մեղադրել անցյալ տարվա հեղաշրջման փորձի մեկ ամյկաի առիթով գրած մտքերի համար:
Էսենը զրկվել էր «Միս Թուրքիա 2017» տիտղոսից մրցույթի հաջորդ օրը, երբ Twitter-ում հայտնվեց հրապարակումը: Աղջիկը կարծում է, որ իր գրածը վիրավորկան չէր:
Ըստ թուրքական լրատվամիջոցներին, նա գրել էր.
«Զոհերի հիշատակի օրը՝ հուլիսին 15-ին, ինձ մոտ դաշտանային ցիկլ սկսվեց: Ես օրը արյունահոսությամբ եմ նշում, որը նահատակների արյան արտացոլումն է»: