Փհենյանը պետք է խստորեն հետեւի ՄԱԿ Անվտանգության խորհրդի բանաձեւերին: Այս մասին հայտարարվել է ԵԱՀԿ նախարարների խորհրդի նիստի շրջանակներում Ռուսաստանի արտգործնախարար Սերգեյ Լավրովի եւ ԱՄՆ պետքարտուղար Ռեքս Թիլլերսոնի հանդիպման ժամանակ:
Ռուսաստանի արտգործնախարարության մամուլի ծառայության հաղորդագրության համաձայն՝ Լավրովը մեկ անգամ եւս շեշտել է լարվածության սրման անթույլատրելիությունը, որը կարող է առաջանալ Կորեական թերակղզում ամերիկյան ռազմական պատրաստվածության պատճառով եւ ագրեսիվ հռետորաբանության: Նա կոչ է արել Կորեական թերակղզում միջուկային խնդիրը բացառապես դիվանագիտական մեթոդներով լուծել:
Քննարկվել են Սիրիայում քաղաքացիական հակամարտության հաղթահարման հետագա քայլերը` Սիրիայի բոլոր քաղաքական ուժերի, ներառյալ «Ժնեւի գործընթացի» շրջանակներում եւ Սոչիի առաջիկա ազգային երկխոսության կոնգրեսի ձեւաչափում` միջազգային ահաբեկչական խմբերի պարտության հետ մեկտեղ, կայուն բանակցային գործընթացի հաստատման միջոցով:
Անդրադառնալով երկկողմ օրակարգի մի շարք հարցերի՝ Լավրովը նշել է ԱՄՆ-ում ռուսական ԶԼՄ-ների եւ դիվանագետների վրա ճնշում գործադրելու անթույլատրելիությունը, այդ թվում ԱՄՆ հատուկ ծառայությունների կողմից ներգրավվելու փորձերը:
