Արհեստական ինտելեկտի տեխնոլոգիաները կարող են Մեծ Բրիտանիայի ՀՆԱ-ն մեծացնել 232 մլդ ֆունտ սթերլինգով: Սակայն բրիտանական սթարթափերը ոչ միշտ են կարողանում լիարժեք զբաղվել ԱԻ մշակումներով, քանի որ հզոր համակարգչային համակարգերին հասանելիություն չունեն: Այս խնդիրը լուծելու համար կառավարությունը մեքենայական կրթության համար կբացի «Ավտոտնակ» անվճար փորձարարական վարժարանը, հայտնում է Hitech-ը:
Բրիտանիայի ֆինանսների նախարարությունը նոյեմբերին հայտարարել էր, որ բյուջեից 75 մլն ֆունտ կհատկացնի արհեստական ինտելեկտի ինդուստրիայի զարգացման համար: Այս նպատակով պետական Digital Catapult կազմակերպությունը, որը ստեղծվել է թվային տնտեսության զարգացման ահմար, հունվարին «Մեքենայական ինտելեկտի ավտոտնակ» կբացի: Այն կհագեցնեն համակարգչային նորագույն համակարգերով եւ կմիացնեն ամպային սերվերներին: Սթարթափերը վարժարանում կկարողանան թեստավորել մեքենայական կրթության ոլորտի իրենց մշակումները:
Բրիտանական շատ ընկերություններ ստիպված են սահմանափակել իրենց փորձարկումները անհրաժեշտ սարքավորումների համար փող չունենալու պատճառով: «Ավտոտնակը» սթարթափերին թույլ կտա փորձերն անվճար անցկացնել:
