Արցախի զորամասերից մեկում նոյեմբերի 21-ին ականի պայթյունից վիրավորված Նարեկ Հովեյանի վիճակը կայունացել է: Այս մասին NEWS.am-ին հայտնեցին ՀՀ ՊՆ Կենտրոնական կլինիկական զինվորական հոսպիտալից:
Նարեկ Հովեյանն արդեն խոսում է, վիճակը կայուն է, սակայն, դեռ գտնվում է Վերակենդանացման բաժանմունքում: Առաջիկայում ժամկետային զինծառայողը կտեղափոխվի Մալայանի անվան ակնաբուժական կենտրոն՝ աչքը բուժելու համար: Նշենք, որ Ստեփանակերտում Նարեկի մեկ աչքը հեռացրել են, մյուս աչքի տեսողությունն էլ հույս կա, որ կվերականգնվի:
Ավելի վաղ գրել էինք, որ նոյեմբերի 21-ին՝ ժամը 18:35-ի սահմաններում, ՊԲ հյուսիսարեւելյան ուղղությամբ տեղակայված զորամասերից մեկի պահպանության տեղամասում ականապայթյունային մահացու վիրավորումներ են ստացել ՊԲ զինծառայողներ Գեղամ Կորյունի Զաքարյանը (ծնվ. 1995թ.), Սարգիս Գուրգենի Աբրահամյանը (ծնվ. 1998թ.) եւ Սարգիս Մհերի Մելիքյանը (ծնվ. 1997թ.): Զինծառայող, 1998թ. ծնված Նարեկ Հայկի Հովեյանը ստացել է ականապայթյունային վիրավորում:
