Իսրայելի ոստիկանությունը ցրել է Երուսաղեմում Դամասկոսի դարպասների մոտ ցույցը, հայտնում է «ՌԻԱ Նովոստի»–ն։
Մի քանի տասնյակ մարդ հավաքվել էր այնտեղ՝ վանկարկելով կարգախոսեր, այդ թվում՝ «Ալլահ Աքբար»։ Ոստիկանները ցուցարարներից խլել են ԱՄՆ նախագահ Դոնալդ Թրամփի ծաղրանկարով պաստառները եւ փորձել են ձերբակալել ցուցարարներին, սակայն նրանք ցրվել են։
Միաժամանակ ցույցը դուրս է եկել Տաճարի լեռան սահմաններից եւ շարժվել Երուսաղեմի փողոցներով։
Ցուցարարները վանկարկում են կարգախոսեր եւ ուղեկցում դրանք սուլոցներով։ Քաղաքի բնակիչներն իրենց դժգոհությունն են հայտնում՝ հրելով ցուցարարներին։ Որոշները, սակայն, ողջունում են նրանց եւ հակաիսրայելական կարգախոսեր վանկարկում։
AFP–ն հայտնում է, որ Իսրայելի բանակը խստացրել է անվտանգության միջոցառումները։ Մասնավորապես, մի քանի հարյուր լրացուցիչ ոստիկանական ուժեր են տեղակայվել Հին քաղաքում՝ Արեւելյան Երուսացեմի մոտ, որտե գտնվում է Ալ Ակսա մզկիթը։