Ռուսաստանի նախագահ Վլադիմիր Պուտինը զրուցել է «Յամալ ՍՊԳ» գործարանի աշխատակիցների հետ, պատասխանել մի քանի հարցերի: Մասնավորապես, նա պատմել է, թե ինչպես է իրեն հաջողվում լավ կազմվածք պահպանել, հաղորդում է «ՌԻԱ Նովոստին»:
«Ամեն ինչ կարելի է, միայն չափավոր: Այո, եւ մշտապես պետք է շարժման մեջ լինել», - ասել է նախագահը:
Պուտինը նաեւ նշել է իր նախընտրած օլիմպիական ձմեռային սպորտաձեւերը: Նրա խոսքով՝ դա հոկեյն է եւ լեռնադահուկային սպորտը: Նախագահը նաեւ ավելացրել է, որ ընդամենը մի քանի տարի առաջ է սովորել չմուկների վրա կանգնել: