ԱՄՆ-ն Եմենում հակամարտության կողմերին կոչ է արել վերսկսել բանակցությունները, հայտնում է «Կոմերսանտ․ ռուն»՝ վկայակոչելով Սպիտակ տան հաղորդագրությունը։
«Մենք ծայրաստիճան մտահոգված ենք Եմենում բռնության ու հումանիտար ծանր դրության էսկալացիայով։ Մենք կողմերին կոչ ենք անում անհապաղ ազատել պատանդներին, վերսկսել քաղաքական բանակցությունները ու դադարեցնել Եմենի ժողովրդի տառապանքները»,- ասվում է Սպիտակ տան հաղորդագրության մեջ։
Վաշինգտոնը նաեւ Սաուդյան Արաբիայի ղեկավարած կոալիցիային ու հուսիտ խռովարարներին կոչ է արել չխոչընդոտել Եմենի բնակիչներին հումանիտար օգնություն հասցնելուն։ «Մենք կոչ ենք անում ապահովել կենսական ապրանքների, այդ թվում վառելիքի անարգել մատակարարումները՝ այդ թվում եմենյան նավահանգիստների միջոցով, նաև վերականգնել քաղաքացիական չվերթները Սանայի օդանավակայանների միջոցով»,- ասվում է հաղորդագրության մեջ։ Սպիտակ տունը նաեւ հուսիտներին խնդրում է թույլատրել մթերքի, բժշկական դեղամիջոցների ու վառելիքի մատակարումը նրանց կողմից վերահսկվող տարածքներ։