Թայվան կղզու բնակիչները որպես 2017 թվականի առանցքային բառ են ընտրել «անորոշ, աղոտ» նշանակող հիերոգլիֆը, հաղորդում է iz.ru-ն։
Քվեարկությանը մասնակցել է ավելի քան 90 հազար մարդ։ Նրանք ընտրել են 52 հիերոգլիֆներից մեկը։ Յուրաքանչյուր 7-րդ մասնակից ընտրել է «անորոշ» բառը։
Առաջին հնգյակում են հայտնվել «աշխատանք», «անհանգստություն», «քաոս» եւ «դատարկություն» բառերը։
«Դատելով ամեն բանից՝ Թայվանի բնակչությունը մտահոգվում է իր ապագայի մասին»,- մեջբերում է գործակալությունը Մշակութա-գեղարվեստական ֆոնդի տնօրենների խորհրդի նախագահ Ֆեն Ցիտայի խոսքը։