Սանայում հեռուստակայանին Սաուդյան Արաբիայի գլխավորած կոալիցիայի ավիահարվածի հետեւանքով առնվազն 4 մարդ զոհվել է, եւս 5-ը վիրավորվել, հայտնում է իրանական Press TV-ն:
Հեռուստաալիքի տեղեկությոններով՝ ավիահարվածի հետեւանքով լուրջ վնաս է հասցվել հեռուստակայանի շենքին եւ սարքավորումներին:
Երկրում իրավիճակը կտրուկ սրվել է նոյեմբերի 29-ից հետո: Սանայում արյունահեղ մարտեր են սկսվել, որի պատճառը հուսիների խռովարար կազմավորումների փորձերն էին գրավել մի շարք հաստատություններ եւ օբյեկտներ, որոնք վերահսկում էին նախկին նախագահի կողմնակիցները: Դեկտեմբերի 2-ին Սալեհը հայտարարել էր հուսիների հետ գործընկերային հարաբերությունների խզման մասին, իսկ դեկտեմբերի 4-ին նա սպանվել էր խռովարարների կողմից:
