ԱՄՆ-ն ողջունում է Իրաքի իշխանությունների հայտարարությունն այն մասին, որ երկրի տարածքն ամբողջովին ազատված է ԻՊ ահաբեկիչներից, սակայն դա չի նշանակում, որ ահաբեկչության դեմ պայքարն ավարտված է։ Այս մասին ասված է ԱՄՆ Պետդեպի մամուլի ծառայության ղեկավար Հեզեր Նաուերթի հայտարարության մեջ, փոխանցում է ՏԱՍՍ-ը։
«ԱՄՆ-ն Իրաքի կառավարության հետ միասին ընդգծում է, որ տարածքի ազատագրումը չի նշանակում, որ ահաբեկչության դեմ պայքարն ավարտված է»,- ասել է Նաուերթը։ Նրա խոսքով՝ ամերիկացի զինվորականները եւ հակաահաբեկչական միջազգային կոալիցիան կշարունակեն օգնել Իրաքի ԶՈւ-ին եւ անվտանգության ուժերին։