Լիբանանի արտգործնախարար Ջեբրան Բասիլը կարծում է, որ արաբական երկրները պետք է պատժամիջոցներ կիրառեն ԱՄՆ-ի նկատմամբ, որպեսզի թույլ չտան դեսպանատան տեղափոխումը Թել Ավիվից Երուսաղեմ: Արտաքին քաղաքական գերատեսչության ղեկավարն այդ մասին հայտարարել է Երուսաղեմի շուրջ Կահիրեում՝ Արաբական երկրների լիգայի արտգործնախարարների մակարդակով տեղի ունեցած արտահերթ նիստի ժամանակ, փոխանցում է ՏԱՍՍ-ը:
«Անհրաժեշտ է ամերիկյան վարչակազմի որոշման դեմ նախազգուշական գործողություններ ձեռնարկել՝ սկսած դիվանագիտական միջոցներից, ապա քաղաքական, որից հետո նաեւ տնտեսական միջոցներ», - Բասիլին մեջբերում է Reuters-ը: