ԱՄՆ նախագահ Դոնալդ Թրամփին բավարար չեն եղել Washington Post-ի թղթակցի ներողությունները՝ կապված Ֆլորիդայի իր ելույթից իրականությանը չհամապատասխանող լուսանկարների հրապարակման հետ. Ամերիկյան առաջնորդը պարբերականին խորհուրդ է տվել հեռացնել աշխատակցին, հաղորդում է «ՌԻԱ Նովոստին»:
Լրագրող Դեյվ Վեյգելն ավելի վաղ իր Twitter-ում մարզադաշտի դատարկ տրիբունաների լուսանկարներ էր հրապարակել՝ «Մինչեւ պռունկը լցված» գրառմամբ: Իր հերթին Թրամփն արձագանքել է լրագրողի գրառմանն՝ քննադատելով «կեղծ լուրերի» համար:
«Washington Post-ից Դեյվ Վեյգելը դատարկ մարզադաշտի կեղծ լուսանկար է հրապարակել, իմ ժամանումից մի քանի ժամ առաջ իմ մուտքին սպասել են հազարավոր մարդիկ: Ահա իմ ելույթի իրական լուսանկարները: Մարզադաշտը լի է, շատերը նույնիսկ չեն կարողացել մուտք գործել: Ես պահանջում եմ, որ ներողություն խնդրեն ու Washington Post-ում հերքեն կեղծ լուրերը»,- իր Twitter-ում գրել է Թրամփը՝ գրառմանը կցելով միջոցառման իր լուսանկարները:
.@DaveWeigel @WashingtonPost put out a phony photo of an empty arena hours before I arrived @ the venue, w/ thousands of people outside, on their way in. Real photos now shown as I spoke. Packed house, many people unable to get in. Demand apology & retraction from FAKE NEWS WaPo! pic.twitter.com/XAblFGh1ob
— Donald J. Trump (@realDonaldTrump) December 9, 2017