Արաբական երկրների լիգան ԱՄՆ-ից պահանջել է վերանայել Երուսաղեմն Իսրայելի մայրաքաղաք ճանաչելու որոշումը, ասվում է Կահիրեում ԱԵԼ-ի խորհրդի նիստում ընդունված հայտարարության մեջ, փոխանցում է «ՌԻԱ Նովոստին»:
«Խորհուրդն ԱՄՆ-ից պահանջել է Երուսաղեմի շուրջ որոշումը չեղարկել եւ միջազգային հանրության հետ Իսրայելին ստիպել կատարել ՄԱԿ-ի բանաձեւերը, դադարեցնել1967-ի հունիսի 4-ից զբաղեցրած արաբական ու պաղեստինյան տարածքների ապօրինի գրավումը», - ասվում է ԱԵԼ-ի հայտարարության մեջ: Արաբական երկրների կարծիքով, ԱՄՆ նախագահ Դոնալդ Թրամփի որոշումը «ոչինչ է», քանի որ խախտում է միջազգային իրավունքը եւ հակասում է ՄԱԿ Անվտանգության խորհրդի բանաձեւերին:
«Այդ որոշումը ոչ մի օրինական հիմք չունի, այն միայն վնասում է խաղաղության հասնելու ջանքերին, մեծացնում է լարվածությունը, ավելի շատ ցասում է առաջացնում եւ ողջ Մերձավոր Արեւելքին սպառնում է ճնշումների անդունդն ընկնելով, արյունահեղությամբ ու անկայունությամբ»,- հայտարարել են արաբ նախարարները: