Ճապոնիայի կառավարությունը մտադիր է մինչեւ 2017 թվականի վերջը երկրի տարածքում ամերիկյան հակահրթիռային Aegis Ashore պաշտպանության համակարգը տեղակայելու մասին վերջնական որոշում ընդունել, հաղորդում է «Մայնիթի» ճապոնական թերթը:
Հրապարակման համաձայն՝ համապատասխան փաստաթուղթը կարող է դեկտեմբերի 19-ին կայանալիք կառավարության նիստում ընդունվել:
Ակնկալվում է, որ երկու Aegis Ashore համալիրները տեղակայվելու են Հյուսիսային Ակիտա եւ Կենտրոնական Յամագուտի նահանգներում՝ Ճապոնիայի ինքնապաշտպանական ուժերի հրաձգարաններում, որոնք կպաշտպանեն ողջ երկիրը հնարավոր հրթիռային հարձակումից:
Վարչապետ Սինձո Աբեի խոսքով՝ Ճապոնիան շահագրգռված է ամերիկյան հակահրթիռային համալիրներ Aegis Ashore-ի ձեռքբերմամբ, որոնք թույլ են տալիս հարվածել Հյուսիսային Կորեայի բալիստիկ հրթիռներին: