Ֆրանսիայի նախագահ Էմանուել Մակրոնը Փարիզում Իսրայելի վարչապետ Բենիամին Նեթանյահուի հետ հանդիպման ժամանակ ասել է, որ հավանություն չի տալիս ԱՄՆ նախագահ Դոնալդ Թրամփի՝ Երուսաղեմը որպես Իսրայելի մայրաքաղաք ճանաչելու որոշմանը, հավատարիմ է երկու անկախ պետությունների` Իսրայելի եւ Պաղեստինի հայեցակարգին, բայց դատապարտում է Իսրայելի վրա ցանկացած հարձակում, հաղորդում է «ՌԻԱ Նովոստին»:
«Ես բացատրեցի, թե ինչու մենք չենք աջակցում ԱՄՆ նախագահի որոշումներին: Համոզված եմ, որ միջազգային իրավունքին համապատասխան՝ միակ լուծումը երկու պետությունների հայեցակարգն է եւ այդ հարցը կարող է լուծվել միայն բանակցությունների միջոցով (Իսրայելի եւ Պաղեստինի միջեւ)»,— հանդիպումից հետո ասել է Մակրոնը: