Հանրային կինոթատրոններն առաջին անգամ Սաուդյան Արաբիայում հաջորդ տարվա սկզբին կսկսեն աշխատել: Այդ մասին դեկտեմբերի 11-ին հայտնել է թագավորության մշակույթի ու տեղեկատվության նախարար Աբադ բեն Սալեհ ալ Աբադը, փոխանցում է Reuters-ը:
«Մենք ակնկալում ենք, որ առաջին կինոթատրոնները կբացվեն 2018-ի մարտին», - ասել է նա:
Ալ Աբադը նաեւ նշել է, որ կինոթատրոններին արտոնագրերի տրամադրումն արդեն սկսվել է:
Ֆիլմերի հրապարակային ցուցադրությունները Սաուդյան Արաբիայում արգելվել է 1980-ականներին: Սաուդյան կրոնական գործիչները հրապարակային հավաքույթներն ու ժամանցի միջոցառումները համարում են «արատի օջախ» եւ երիտասարդներին կոչ են անում հրաժարվել այդ վայրեր այցելություններից: Նրանք նաեւ արգելում են օգտվել սոցիալական ցանցերից: