Բեռլինում, ի նշան Երուսաղեմն Իսրայելի մայրաքաղաք ճանաչելու մասին Դոնալդ Թրամփի որոշման դեմ բողոքի, Իսրայելի դրոշը վառելն առաջ է բերել գերմանացի քաղաքական գործիչների զայրույթը, հայտնում է DW–ն։
Գերմանիայի ՆԳ նախարար Թոմաս դե Մազիերի խոսքով՝ հրեաներին կամ Իսրայել պետությանը նման ամոթալի միջոցով վիրավորելն անընդունելի է։
Նման հայտարարություն է արել եվրոպական դիվանագիտության ղեկավար Ֆեդերիկա Մոգերինին, որը Բրյուսելում հանդիպել է Իսրայելի վարչապետ Բենիամին Նեթանյահուի հետ։
Գերմանիայի ԱԳ նախարար Զիգմար Գաբրիելը պահանջել է վճռական միջոցներ ձեռնարկել՝ ի պատասխան այդ միջադեպերի։ «ԱՄՆ որոշման նկատմամբ քննադատական վերաբերմունքով հանդերձ՝ Իսրայելի դրոշների այրումը ոչ մի արդարացում չունի։ Մեր իրավական պետությունը չի հանդուրժի դա»,– գրել է Գաբրիելը Twitter–ում։
Նշենք, որ անցած օրերին Բեռլինում Թրամփի որոշման դեմ բազմամարդ ցույցեր էին ընթացել։ Իսրայելի դրոշն այրել էին Բեռլինում ԱՄՆ դեսպանատան մոտ դեկտեմբերի 8-ին։
