Ֆիլիպինների նախագահ Ռոդրիգո Դուտերտեն երկրի Կոնգրեսին ուղերձ է ուղարկել՝ պահանջելով Ֆիլիպինների հարավում՝ Մինդանաո կղզում, ռազմական դրությունը մեկ տարով երկարաձգել, որն այս տարվա վերջին է լրանում:
Ըստ «Սինխուա»-ի՝ նախագահը նշել է, որ 2017-ի հոկտեմբերին Ֆիլիպինների բանակը հաջողությամբ իր վերահոսկողության տակ է վերադարձրել Մարավի քաղաքը, սակայն Մինդանաո կղզում դեռ ահաբեկիչներ կան, որոնց աջակցում է ԻՊ-ն:
Նրա խոսքով՝ մինչեւ 2018-ի վերջ ռազմական դրության երկարաձգումը կօգնի բանակին երկրի հարավում հակակառավարական ուժերի դեմ պայքարում հաջողության հասնել: