Նյու Յորքում գտնվող Համաշխարհային առեւտրի կենտրոնի շենքի աշտարակը երկուշաբթի լուսավորել են ամերիկյան դրոշի գույներով՝ կապված քաղաքի կենտրոնում տեղի ունեցած պայթյունի հետ: Համապատասխան կարգադրությունը կատարել է Նյու Յորքի նահանգապետը, փոխանցում է ՏԱՍՍ-ը:
Երկնաքերի 124-մետրանոց աշտարակը լուսավորվել է կարմիր, սպիտակ եւ կապույտ գույներով: Նահանգապետը շնորհակալություն է հայտնել անվտանգության ուժերի աշխատակիցներին, որոնց հաջողվել էր կալանավորել ահաբեկչության իրագործման կասկածյալին: Նա նշել է, որ կարգադրել է երկնաքերը լուսավորել որպես «հիմնարար արժեքներին՝ ազատությանն ու ժողովրդավարությանն» աջակցելու նշան:
