Ամեն անգամ փորձում եք խաղի կանոնը հարմարեցնել ձեր ներքին խաղի կանոններին: Այս մասին այսօր՝ դեկտեմբերի 12-ին, Ազգային ժողովում արտահերթ նիստի ժամանակ «Շահութահարկի մասին» օրենքում փոփոխություններ կատարելու մասին օրինագծի քննարկմանն ասաց ԱԺ «Ծառուկյան» խմբակցության պատգամավոր Նաիրա Զոհրաբյանը՝ դիմելով ՀՀ ֆինանսների նախարար Վարդան Արամյանին:
«Հարկային փաթեթի քննարկման ժամանակ մեզ մեղադրում էին, որ մենք չենք ուզում հարկային արդար կանոններ սահմանել: Երբ մենք ասում էինք՝ խնդրահարույց է, վիճելի, է դուք մտածում էիք, որ մենակ դուք եք խելոք, դուք եք հասկանում ու էստեղ նստած մարդիկ որեւէ բան չեն հասկանում: Բա որ էդքան խելոք էիք, էդ ինչո՞ւ եք բերում եւ օրենքը ուժի մեջ չմտած, փորձում խաղի կանոն մտցնել, կամ ինչ-որ հատուկ մազոխիզմով եք տառապում, կամ իսկապես չգիտեք՝ որ խաղի կանոնն ա արդար, կամ ամեն անգամ փորձում եք խաղի կանոնը հարմարեցնել ձեր ներքին խաղի կանոններին»,-ասաց նա:
