Վարչարարության ինստիտուտը շատ անարդյունավետ է գործել: Դեկտեմբերի 12-ին ԱԺ-ում «Վարչարարության հիմքերի եւ վարչական վարույթի մասին» օրենքում փոփոխություններ եւ լրացումներ կատարելու մասին օրինագծի քննարկման ժամանակ ասաց «Ելք» դաշինքի խմբակցության պատգամավոր Արտակ Զեյնալյանը:
Նրա խոսքով՝ իրավունքի եւ թոշակային կորուստների փոխհատուցման տրամադրման ինստիտուտը իրավունքի, որպես այդպիսին, հիմքերից մեկն է:
«Այսինքն՝ իրավունքը չկա, իրավունքը գոյություն չունի, եթե պրակտիկ վերականգնման հնարավորություններ եւ մեխանիզմներ չկան»,- պարզաբանեց Զեյնալյանը՝ հավելելով, որ նշված թերությունը ընդունվել է նաեւ Սահմանադրական դատարանի կողմից: