Եվրոպական երկրների ղեկավարները ներգրավված են Լիբիայում տասնյակ հազարավոր միգրանտների նկատմամբ չարաշահումների մեջ: Այս մասին հայտարարել են Amnesty International իրավապաշտպան կազմակերպությունում, հաղորդում է The Guardian-ը:
Իրավապաշտպանները մանրամասնել են, որ եվրոպացի քաղաքական գործիչները տեղյակ էին, որ ԵՄ-ի կողմից ֆինանսավորվող Լիբիայի ափամերձ գոտու պահակախումբը մարդկանց խոշտանգումների եւ շահագործման է ենթարկել. ԵՄ-ն շահագրգռված էր, որպեսզի միգրանտներին պահեին Լիբիայում:
«Լիբիայում հարյուր հազարավոր փախստականների եւ միգրանտների կյանքը կախված է լիբիական իշխանություններից, զինված խմբավորումներից եւ մաքսանենգներից, որոնք, ֆինանասական շահից ելնելով, հաճախ միասին են գործում», - ասվում է իրավապաշտպանների զեկույցում:
Ըստ Amnesty International- ի՝ ներկայումս մինչեւ 20,000 մարդ «գտնվում է գերլցված, հակասանիտարական կալանքի կենտրոններում»:
Հիշեցնենք, որ Ֆրանսիայի նախագահ Էմմանուել Մակրոնը ավելի վաղ հայտարարել էր, որ Եվրամիությունը կարող է աջակցել «ռազմական գործողությունների իրականացմանը»՝ Լիբիայում ստրկավաճառության ցանցերի դեմ պայքարի համար: Միեւնույն ժամանակ երկրի ղեկավարը շեշտել է, որ խոսքը պատերազմի վերսկսման մասին չէ, այլ միայն՝ «ոստիկանական ուժեղացված օպերացիայի», հաղորդում է Lenta- ն: