Հայաստանում շարժական կապի ծավալների անկումը Ucom ընկերությանը չին առնչվել: Այս մասին դեկտեմբերի 12-ին լրագրողների հետ զրույցում ասաց ընկերության գլխավոր տնօրեն Հայկ Եսայանը:
Նրա խոսքով՝ 2016 թվականին ոլորտում 15 տոկոսով անկում է գրանցվել, 2017-ին՝ 6-7 տոկոսով:
«Սակայն այս տարիների անկումը մեզ շրջանցել է, քանի որ մենք գիտակցում ենք, որ բջջայինով զրույցների ծավալների կրճատման ֆոնին անհրաժեշտ է առաջնահերթությունները փոխել, թեեւ Հայաստանում ձայնային ինտերնետ կապի հասանելիության պայմաններում սմարթֆոնացման ծավալների աճման միտումը դանդաղ է ընթանում, քան այլ երկրներում»,- նշեց Հայկ Եսայանը:
Ընկերության վրա չի անդրադարձել նաեւ ԵՏՄ տարածքում եւ ԵՄ երկրների միջեւ ռոումինգ ծառայության արժեքի նվազումը:
«ԵՏՄ տարածքում տրամադրվող ռոումինգի եւ այլ ծառայությունների համեմատությամբ՝ մեր ծառայություններն ավելի շահավետ են: Մեզ մոտ գործում է 25 դրամ սակագինը: Այս էժանացումը մեծ մասամբ վերաբերում է Ռուսաստանին եւ Ղազախստանին, բայց ոչ Հայաստանին: Ինչ վերաբերում է ԵՄ Արեւելյան գործընկերության շրջանակում ԵՄ-ի եւ Հայաստանի միջեւ ռոումինգային սակագների նվազեցման պայմանագրին, դա մեզ վրա էական ազդեցություն չունի: Իրականում մենք 2 տարով այս որոշումներից առաջ ենք անցել»,- եզրափակեց Հայկ Եսայանը:
