Առաջարկվում է փոփոխություն կատարել Հայաստանի Հանրապետության Հարկային օրենսգրքի 109 հոդվածի 240 նորմում: Այս մասին դեկտեմբերի 12-ին ՀՀ Ազգային Ժողովի արտահերթ նիստի ժամանակ Հարկային օրենսգրքում փոփոխություններ եւ լրացումներ կատարելու մասին օրինագծերի փաթեթի քննարկմանը հայտարարեց Հայաստանի ֆինանսների փոխնախարար Դավիթ Անանյանը:
Փոխնախարարի խոսքով՝ նախատեսված է 180 խմբագրական, 29 տերմինաբանական եւ 30 բովանդակային փոփոխություն: «Ընդհանուր առմամբ, մենք այս օրինագիծը գնահատում ենք որպես բարելավող: Քննարկման ներկայացված բոլոր դրույթները հունվարի 1-ից 99 տոկոսով կհանգեցնեն իրավիճակի բարելավմանը Հարկային օրենսգրքի կիրառման առումով», - նշեց Անանյանը: