«My Beeline Armenia» բջջային հավելվածի ներբեռնումների թիվը գերազանցել է 100 000-ը, իսկ հավելվածի ակտիվ օգտագործողների թիվը շարունակաբար աճում է։

«My Beeline Armenia» հավելվածն օգտատերին հնարավորություն է տալիս առանց տանից դուրս գալու ինքնուրույն լուծել կապի ծառայությունների հետ կապված բազմաթիվ հարցեր։ Հաշիվը եւ փաթեթի մնացորդը ստուգելուց բացի «My Beeline Armenia»-ի օգնությամբ կարելի է ծանոթանալ գործող սակագնային փաթեթներին եւ անցում կատարել նախընտրածին, միացնել եւ անջատել ծառայություններ, ինչպես նաեւ առցանց վճարումներ կատարել։ Հավելվածի mShop բաժնի միջոցով կարելի է առցանց պատվիրել SIM-քարտեր, սմարթֆոններ եւ այլն, որոնք կառաքվեն անվճար:

Օգտատերերի կողմից ամենամեծ պահանջարկն ունի հաշվի վերծանում անվճար ստանալու հնարավորությունը։

«Ես ինքս մեր հավելվածի առաջին օգտագործողներից եմ, եւ ուրախ եմ տեսնել, որ մեր «ակումբը» շարունակաբար մեծանում է։ Մեր ամբողջ ռազմավարությունը կառուցված է ժամանակակից թվային ընկերություն դառնալու գաղափարի վրա, իսկ դա առաջին հերթին նշանակում է հնարավորություն տալ բաժանորդներին առցանց լուծել մաքսիմալ հնարավոր հարցեր։ 21-րդ դարում մարդկանց ժամանակը շատ թանկ է, եւ մենք՝ գնահատելով մեր հաճախորդների ժամանակը առաջարկում ենք այն խնայելու պարզ եւ հարմար տարբերակներ», - նշեց Հայաստանում Beeline-ի Գլխավոր տնօրեն Անդրեյ Պյատախինը:

«My Beeline Armenia» հավելվածը կարելի է ներբեռնել Play Market, App Store եւ Windows հարթակներից, իսկ վեբ տարբերակով մուտք գործելու համար հարկավոր է անցնել im.beeline.am հղումով։

Նշենք, որ հավելվածը մշտապես կատարելագործվում է եւ ավելանում են նոր  հնարավորություններ։