Իրանի Քերմանի նահանգում 6.2 մագնիտուդով երկրաշարժից տուժել է 17 մարդ։ Այս մասին հայտնում է Tasnim–ը՝ վկայակոչելով նահանգի բժշկական կենտրոնի ղեկավար Սեյեդ Մոհամմադ Սաբերիին։

Թեհրանի գեոֆիզիկայի ինստիտուտի սեյսմոլոգիական կենտրոնի տվյալներով՝ երկրաշարժը գրանցվել է դեկտեմբերի 12-ին՝ տեղական ժամանակով ժամը 12։13-ին։ Տեղի հիվանդանոցներ է տեղափոխվել 17 վիրավոր։

Հիշեցնենք, որ նոյեմբերի 12-ին Քերմանշահի նահանգում 7.3 մագնիտուդով հզոր երկրաշարժից զոհվել էր 620 մարդ։