Պաղեստինի «ՀԱՄԱՍ» շարժումը հայտարարել է երրորդ ինթիֆադի (ապստամբություն) սկզբի մասին՝ ԱՄՆ-ի կողմից Երուսաղեմը որպես Իսրայելի մայրաքաղաք ճանաչելու պատճառով: Այս մասին «ՌԻԱ Նովոստիի» հետ հարցազրույցում ասել է շարժման մամուլի քարտուղար Աբդուլաթիվ Ալկանուն:
Նրա խոսքով՝ սա արված է ԱՄՆ-ի վրա ճնշում գործադրելու նպատակով, որոնք պետք է փոխեն Երուսաղեմի հարցով իրենց որոշումը, ինչպես նաեւ զանգվածային ելույթների շարունակության համար:
Դեկտեմբերին «ՀԱՄԱՍ»-ի առաջնորդներից Իսմայիլ Հանիան Իսրայելի դեմ նոր ապստամբության նախապատրաստման կոչ արեց:
«Մենք պետք է կոչ անենք եւ պետք է աշխատենք նոր ինթիֆադի ուղղությամբ՝ սիոնիստական թշնամու կողմից սպառնալիքի պատճառով»,- ասել է նա:
