ԱՄՆ-ում պաշտոնապես արգելել են «Կասպերսկու լաբորատորիայի» արտադրանքի օգտագործումը պետական իշխանության մարմինների կողմից: ԱՄՆ Նախագահ Դոնալդ Թրամփը արդեն ստորագրել է համապատասխան դրույթը պարունակող պաշտպանության բյուջեն:
Բյուրոկրատական ձգձգումների պատճառով փաստաթուղթը ստորագրվել է սպասվածից ուշ: Փաստաթղթում նշված է, որ «Կասպերսկու լաբորատորիայի» արտադրանքի օգտագործման արգելքը ուժի մեջ է մտնում հոկտեմբերի 1-ից: Այժմ այս արգելքը հանել կարող է միայն Կոնգրեսը:
Ավելի վաղ ամերիկյան օրենսդիրները մեղադրել էին ծրագրային ապահովման ռուսական արտադրողին կիբերլրտեսության փորձերի մեջ: «Կասպերսկու լաբորատորիայում» այս մեղադրանքները հերքում են: Ընկերությունը որոշեց փակել իր մասնաճյուղերը Վաշինգտոնում, սակայն դեռեւս պատրաստվում է նոր գրասենյակներ բացել Չիկագոյում եւ Լոս Անջելեսում, ինչպես նաեւ Տորոնտոյում:
