Հայկական կողմը կարեւոր նշանակություն է տալիս ՆԱՏՕ-ի հետ հարաբերությունների վերաբերյալ լայն հանրությանը տեղեկացնելուն: Այս մասին ԱԳՆ սպառազինությունների վերահսկման եւ միջազգային անվտանգության վարչության պետ, դեսպան Արմեն Եդիգարյանը նշեց Հայաստանում ՆԱՏՕ-ի 11-րդ շաբաթվա բացմանը նվիրված մամուլի ասուլիսի ժամանակ:
Նշենք, որ սա ամենամյա միջոցառում է:
Եդիգարյանի գնահատմամբ՝ համագործակցության առումով տարին իրադարձություններով հագեցած էր, տեղի ունեցան մի շարք այցեր: Նա հիշեցրեց, որ 2006 թվականից Հայաստանը հաջողությամբ իրականացնում է Անհատական գործընկերության ծրագիրը: Ընթացիկ տարվա ապրիլին հերթական փաստաթուղթն ընդունվեց, որը կորոշի մինչեւ 2019 թվականի գործողությունները: