ՆԱՏՕ-ի գլխավոր քարտուղարի տեղակալ Ռոուզ Գյոթեմյուլլերը Հայաստան կայցելի: Այս մասին դեկտեմբերի 13-ին ՆԱՏՕ-ի շաբաթվա մեկնարկին նվիրված մամուլի ասուլիսի ժամանակ հայտնեց ՆԱՏՕ-ի Հարավային Կովկասում կապերի գրասենյակի ղեկավարի տեղակալ Ռոզարիա Փուգլիսը:
ՆԱՏՕ-ի գլխավոր քարտուղարի տեղակալը կհանդիպի նախագահի, պաշտպանության նախարարի եւ ԱԳ նախարարի հետ:
Փուգլիսի խոսքով՝ ՆԱՏՕ-ի առաջիկա շաբաթը կոչված է ցույց տալու հարաբերությունների համագործակցության ամբողջ սպեկտրը: Նա միաժամանակ հայկական կողմին շնորհակալություն հայտնեց Աֆղանստանում եւ Կոսովոյում խաղաղապահ առաքելություններին ակտիվորեն մասնակցելու համար: «Հաշվի առնելով, որ Հայաստանը փոքր ազգ է, սա մեծ ավանդ է»,- նշեց ՆԱՏՕ-ի ներկայացուցիչը: