Արաբական Միացյալ Էմիրությունների (ԱՄԷ) զբոսաշրջիկներն ավելի հաճախ են այցելում Հայաստան եւ Վրաստան: Այս մասին են վկայում Google որոնողական համակարգի վերջերս հրապարակված տվյալները: Ըստ այդմ՝ ԱՄԷ-ի բնակիչները առավել հաճախ որոնում են հետեւյալ տուրիստական ուղղությունները. Ֆրանսիա, Թուրքիա, Եգիպտոս, Հունաստան, Վրաստան, Ադրբեջան, Խորվաթիա, Հայաստան, Չերնոգորիա եւ Կամբոջա: Առաջին տեղում է Ֆրանսիան, իսկ Հայաստանը այս ցանկում 8-րդն է, հայտնում է The National-ը:
Պարբերականը նշում է, որ Հարավային Կովկասի զբոսաշրջային ուղղությունները պոպույլար են նաեւ ուղիղ չվերթների առկայության պատճառով: Թեեւ վերջին տարիներին հատուկ հետաքրքրություն են վայելում երեք պետությունների մայրաքաղաքները՝ Թբիլիսին, Երեւանը եւ Բաքուն, սակայն ընդգծվում է, որ ԱՄԷ-ի զբոսաշրջիկները սկսել են ուսումնասիրել այս երկրների այլ անկյունները եւս:
Բացի այդ, այս տարի գրանցվել է զբոսաշրջային փաթեթների պահանջարկի աճ դեպի տարածաշրջանի միանգամից մի քանի երկիր, ինչը թույլ է տվել զբոսաշրջիկներին այցելել, օրինակ, թե՜ Հայաստան, թե՜ Վրաստան:
