Leagoo չինական ընկերությունը պատրաստվում է ներկայացնել S9 սմարթֆոնը։ The Verge պորտալը նշում է, որ գաջեթը գործնականում Apple ընկերության iPhone X հեռախոսի նմանակն է։ Այս մասին հաղորդում է «ՌԻԱ Նովոստի»-ն։
Երկու մոդելները զանազանելը առաջին հայացքից շատ դժվար է․ S9-ը մոդելավորելիս iPhone X-ի դիզայնը կրկնօրինակվել է մինչեւ ամենաչնչին մանրուքը։ Բայց չինացիներին չի հաջողվել այն զինել Apple-ի գլխավոր նորույթով՝ Face ID դեմքի ճանաչման համակարգով։ Դրա փոխարեն, հեռախոսի հետեւում տեղադրվել է մատնահետքի սքաներ։
Ընկերության ներկայացուցչի խոսքով՝ գաջեթը կարժենա 300 դոլար՝ երեք անգամ էժան, քան iPhone X-ը։ Այս գումարի դիմաց օգտատերերը կստանան MediaTek P40 պրոցեսոր, վեց գիգաբայթ օպերատիվ հիշողություն եւ 18 գիգաբայթ լրացուցիչ հիշողություն։
iPhone-ի այս սմարթֆոնը վաճառքի է հանվել նոյեմբերին։ Ռուսական շուկայում այն գրեթե ամբողջապես վաճառվել է վաճառքի առաջին օրը։ ԱՄՆ-ում հեռախոսի այս մոդելը հասանելի է 999 դոլարով, իսկ Ռուաստանում գները սկսվում են 79 հազար ռուբլիից։
Նոր iPhone-ի տերերը բարձրաձայնում են թերությունների մասին։ Այսպես, ավելի վաղ Apple-ը հայտնել է սենսորային էկրանի հետ խնդիրների առկայության մասին՝ այն կարող է չաշխատել ցուրտ եղանակին։