ԱԺ-ն այսօր՝ դեկտեմբերի 13-ին, երկրորդ ընթերցմամբ եւ ամբողջությամբ, 70 կողմ եւ 28 դեմ ձայներով ընդունել է Հարկային օրենսգրքում փոփոխությունների եւ լրացումների մասին օրենքի նախագիծը:
Նշենք, որ այս օրինագծով նախատեսվում է Հարկային օրենսգրքի 109 հոդվածներում 240 նորմի փոփոխություն: Խմբագրական փոփոխությունները թիվը 180 է, տերմինների փոփոխությունների թիվը՝ 29, իսկ բովանդակային փոփոխությունները՝ 30:
Այդ փոփոխություններով նախատեսվում են որոշակի սահմանափակումներ մտցնել հիփոթեքային վարկ վերցնելիս եկամտային հարկի վերադարձի հետ կապված: Ըստ այդմ, եկամտային հարկի վերադարձի հնարավորությունից անձը կարող է օգտվել միայն մեկ անգամ: Բացի այդ, հիփոթեքային վարկով գնվող բնակարանի արժեքը չպետք է բարձր լինի 55 մլն դրամից, իսկ եկամտային հարկի վերադարձի չափը ամսական չի կարող 500 հազար դրամից ավելի լինել: