Այս տարվա նոյեմբերին, 2016 թվականի նոյեմբերի համամատ ամենամեծ թանկացումը գրանցել է կարագը, որի գինը բարձրացել է 40,7 տոկոսով:
Հայաստանի ազգային վիճակագրական ծառայության տվյալների համաձայն, միայն նոյեմբերին կարագը թանկացել է 5,5 տոկոսով:
Ամենաշատը թանկացած 10 մթերքների ցանկում երկրորդը խոզի միսն է, որը թանկացել է 40,3 տոկոսով: Երրորդ տեղում է կարտոֆիլն է, (29 տոկոս), այնուհետեւ գալիս են թարմ եւ սառեցված ձուկը (28,2 տոկոս), գառան եւ հորթի միսը (26,9 տոկոս), տավարի միսը (12,9 տոկոս), պանիրը եւ կաթնաշոռը (6,5 տոկոս), ինչպես նաեւ մանկական կերը (3,2 տոկոս):
Ընդհանուր առմամբ, սպառողական գները նոյեմբերին աճել են 1,1 տոկոսով, պարենային ապրանքները՝ 1,8 տոկոսով: