Երուսաղեմը Իսրայելի մայրաքաղաք ճանաչելու մասին ԱՄՆ որոշումը ցույց է տալիս պաղեստինական կողմի իրավունքների նկատմամբ ամերիկացիների անհարգալից վերաբերմունքը եւ ապացուցում է, որ Միացյալ Նահանգները չի կարող արդար միջնորդ լինել Մերձավոր Արեւելքի խաղաղության գործընթացներում։ Այս մասին հայտարարել է Իրանի նախագահ Հասան Ռոհանին, հաղորդում է «ՌԻԱ Նովոստի»-ն։
«Ամերիկյան վարչակարգի որոշումը ցույց է տալիս, որ ԱՄՆ-ն փորձում է պաշտպանել սիոնիստների շահերը եւ ոչ մի հարգանք չունի պաղեստինցիների օրինական իրավունքների նկատմնամբ։ ԱՄՆ-ն արդար միջնորդ չի եղել եւ եբեք էլ չի լինի»,- Twitter-ի իր միկրոբլոգում գրել է Ռոհանին։
Անցյալ շաբաթ ԱՄՆ նախագահ Դոնալդ Թրամփը հայտարարել էր Երուսաղեմն Իսրայելի մայրաքաղաք ճանաչելու մասին եւ Ամերիկայի դեսպանատունը Թել-Ավիվից Երուսաղեմ տեղափոխելու մասին փաստաթուղթ ստորագրել: ԱՄՆ որոշումը դրականորեն էր ընդունվել Իսրայելում եւ բացասական արձագանք ստացել աշխարհի մի շարք երկրներում, իսկ առաջին հերթին՝ Մերձավոր Արեւելքի երկրներում եւ Պաղեստինում:
The recent decision by the US admin made it clear that the US is only seeking to secure the maximum interests of the Zionists and has no respect for the legitimate rights of Palestinians. The US has never been an honest mediator and will never be. #FreePalestine #OIC
— Hassan Rouhani (@HassanRouhani) 13 декабря 2017 г.