Աբխազիայում Էշերա գյուղում անհայտ անձինք գնդակահարել են Պավել Արձինբային, որը կասկածվում է հանրապետության նախկին նախագահ Ալեքսանդր Անկվաբայի մահափորձի մեջ, հաղորդում է «Ինտերֆաքս»-ը՝ վկայակոչելով Աբխազիայի իրավապահ մարմինների իր աղբյուրին:
Ըստ «Աբխազիա-Ինֆորմ»-ի՝ Պավել Արձինբան սպանվել է դեկտեմբերի 13-ին, մոտ 17:00-ին:
ՆԳ նախարար Գարի Արշբան հայտնել է, որ «Սուխում-Պսոու» ճանապարհի վրա անհայտ անձինք ավտոմատ զենքից կրակել են Mercedes-Benz W 221-ի վրա, որը ոեւղեւրովում էր Գուդաուտայի կողմ:
Ստացված վնասվածքներից տեղում մահացել է վարորդ Դմիտրի Հագբան եւ ուղեւոր Պավել Արձինբան:
Արձինբան կասկածվում էր Անկվաբայի դեմ մահափորձի կազմակերպման մեջ եւ 2012 թվականից հետախուզվում էր:
Ալեքսանդր Անկվաբայի դեմ վեց մահափորձ է կատարվել, 2014 թվականին քաղաքական ճգնաժամի հետեւանքով նա հրաժարական էր տվել: