ԱՄՆ-ն Հյուսիսային Կորեայի հետ բանակցություններ վարելու համար «ճիշտ ժամանակին» բաց կլինի, բայդ դա այժմ տեղի չի ունենա, քանի որ Փհենյանը չի ցանկանում հրթիռային եւ միջուկային փորձարկումները դադարեցնել: Այս մասին հայտարարել է ԱՄՆ պետքարտուղարության ներկայացուցիչ Հիզեր Նաուերթը, հաղորդում է Reuters-ը:
Նրա խոսքով՝ բանակցությունները սկսելու համար պետք է «հանգստության շրջան», որի ընթացքում Հյուսիսային Կորեան կդադարեցնի փորձարկումները: Նա նշել է, որ Պետքարտուղար Ռեքս Թիլերսոնը նոր քաղաքականության մասին չի հայտարարել՝ ասելով, որ ԱՄՆ-ն պատրաստ է Հյուսիսային Կորեայի հետ առանց նախապայմանների բանակցությունների:
