Փորձարկվող «Սոյուզ ՄՍ-05» տիեզերանավը երկիր վերադարձող անձնակազմի հետ պոկվել է Միջազգային տիեզերակայանից, հայտնում է «ՌԻԱ Նովոստի»-ն՝ վկայակոչելով Թռիչքների վերահսկման կենտրոնը:
Տիեզերքից վերադառնում են ռուսաստանցի տիեզերագնաց Սերգեյ Ռյազանսկին, ՆԱՍԱ-ի տիեզերագնաց Ռանդոլֆ Բրեզնիկը եւ Եվրոպական տիեզերական գործակալության տիեզերագնաց իտալացի Պաոլո Նեսպոլին:
Սպասվում է, որ տիեզերանավը վայրէջք կկատարի Մոսկվայի ժամանակով 11:38-ին՝ Ղազախստանի Կարագանդայի մարզի Ժեզկազգան քաղաքից 147 կմ դեպի հարավ-արեւելք: