Չէ որ ես ինքս չպետք է ինձ համար մրցակից ընտրեմ: Այս մասին այսօր՝ դեկտեմբերի 14-ին, մամուլի ասուլիսում հայտարարել է Ռուսաստանի Դաշնության նախագահ Վլադիմիր Պուտինը` պատասխանելով հարցին, թե որքանով է նախագահին հետաքրքիր մասնակցել ընտրություններին առանց ուժեղ մրցակցի: «Երբ խոսում ենք ընդդիմության մասին, կարեւոր է ոչ միայն աղմկել հրապարակներում, այլեւ՝ ինչ-որ բան առաջարկել», - ասել է Պուտինը:
Մինչ այդ Պուտինը որոշել էր սրել տրված հարցն ու լսել «Պուտին բայբայ» պաստառով մի աղջկա հարցը, սակայն պարզվեց, որ պաստառի վրա գրված է «Պուտին բաբայ», ինչը թաթարերեն նշանակում է «Պուտին պապիկ»: Իրավիճակը սրել չհաջողվեց, իսկ նախագահը ստիպված եղավ ներողություն խնդրել՝ պատճառաբանելով տարիքի հետ տեսողության վատթարացումը: ՌԴ նախագահը նաեւ նշել է, որ կմասնակցի ընտրություններին որպես ինքնաառաջադրվող թեկնածու: