Թուրքիայի Թոքաթ քաղաքի թատրոններից մեկում հենց բեմի վրա ծեծել են դերասանին։

Թուրքական Cumhuriyet–ի փոխանցմամբ՝ մի ներկայացման ժամանակ Ա.Ս.Յ. անունով դերասանը իր ներկայացման մի հատվածում խոսքով հանդես գալուց հետո փորձում է ուղղվել դեպի կուլիսներ։ Այդ ժամանակ կուլիսներից մի տղամարդ է դուրս գալիս եւ սկսում ծեծել դերասանին։

Թատրոնի աշխատակիցները արագ հասնում են ու հեռացնում ծեծող տղամարդուն։

Ծեծված դերասանը հիվանդանոցից դուրս գրվելուց հետո դիմել է ոստիկանություն։

Նշվում է, որ հարձակումը տեղի է ունեցել անձնական ինչ–որ խնդիրների պատճառով։