Գերմանիայում Հայոց ցեղասպանության ճանաչման դեմ բողոքների կազմակերպման հետեւում, հնարավոր է, կանգնած է թուրք խորհրդարանականը, որը սերտ կապեր ունի Թուրքիայի նախագահ Էրդողանի հետ: Այս մասին վկայում են ZDF հեռուստատեսության եւ Stuttgarter Nachrichten պարբերականի պատրաստած հետաքննության արդյունքները:
Հետաքննության համաձայն՝ Թուրքիայի իշխող կուսակցության անդամը փողով է ապահովել Գերմանիայում բռնցքամարտիկների խմբավորմանը, որ նրանք զենք գնեն եւ ակցիաներ կազմակերպեն ու հետապնդեն Թուրքիայի նախագահ Էրդողանին քննադատողներին, հայտնում է Deutsche Welle-ն:
Մեթին Քուլունքը ուղղակի եւ միջնորդավորված միջոցներ է հատկացրել թուրք ազգայնականների Osmanen Germania կազմակերպությանը, որը, որոշ հաշվարկներով, ամբողջ Գերմանիայում 20 գրասենյակ եւ 2500 անդամ ունի:
Հետաքննությունը հիմված է հեռախոսային խոսակցությունների վերծանման եւ խմբին հետեւելու ոստիկանության տվյալների վրա: Ոստիկանների տվյալներով՝ Քուլունքը Osmanen Germania կազմակերպությանը հրահանգել է հետապնդել Գերմանիայում բնակվող քրդերին եւ Էրդողանի քննադատներին:
