News
Լրահոս
News
Կիրակի
Հունվար 20
Տեսնել լրահոսը

Մեղրի եւ Ագարակ համայնքների գազի բաշխման ցանցը անհատույց օգտագործման իրավունքով «Գազպրոմ Արմենիա» ՓԲԸ-ին հանձնելու որոշումը բնականոն է։ Այդ մասին NEWS.am-ի հարցին ի պատասխան նշել են «Գազպրոմ Արմենիա» ՓԲԸ-ի Հասարակայնության եւ ԶԼՄ-ների հետ կապերի ծառայությունից։

Կառավարության այսօրվա որոշմամբ «Գազպրոմ Արմենիա» ՓԲԸ-ին անհատույց օգտագործման իրավունքով հանձնվել է Մեղրի եւ Ագարակ համայնքների գազի բաշխման ցանցը, որի ընդհանուր արժեքը կազմում է 1 մլրդ 279 մլն 169 հազար 136 ՀՀ դրամ:

Որոշման հիմնավորման մեջ նշված է, որ ՀՀ կառավարությունը՝ հաշվի առնելով նշված տարածքների գազամատակարարման կարեւորությունը, անհրաժեշտ է համարում նշված գույքն անհատույց օգտագործման իրավունքով տրամադրել «Գազպրոմ Արմենիա» ՓԲԸ-ին:

Մեկնաբանելով կառավարության որոշումը՝ ընկերությունից հայտնեցին, թե քանի որ «Գազպրոմ Արմենիա»-ն ունի համապատասխան տեխնիկա, սարքավորումներ, մասնագետներ, ինչպես նաեւ բազմամյա փորձ բնական գազի բաշխման եւ փոխադրման ցանցերի շահագործման, սպասարկման, նորոգման, կառուցման ու վերակառուցման, արդիականացման ոլորտում, նման որոշումը բնականոն է:

«Ի դեպ, սա առաջին դեպքը չէ: Օրինակ հիշեցնենք, որ կառավարության 2008 եւ 2010 թվականների որոշումներով այն ժամանակ դեռ «Հայռուսգազարդ» ՓԲԸ-ին փոխանցվել էին համապատասխանաբար շուրջ 560 եւ շուրջ 450 կմ երկարությամբ գազատարներ, որոնք տեղակայված են Հայաստանի ավելի քան 210 համայնքներում:

Իսկ «Գազպրոմ Արմենիա» ՓԲԸ-ն ՀՀ հանրային ծառայություները կարգավորող հանձնաժողովի որոշումներով տրված լիցենզիաներին համապատասխան իրականացնում է բնական գազի բաշխման եւ փոխադրման համակարգերի շահագործումը, տեխնիկական սպասարկումը եւ նորոգումը՝ միաժամանակ ապահովելով անխափան, անվտանգ եւ հուսալի գազամատակարարում:

Հավելենք նաեւ, որ «Գազպրոմ Արմենիա» ՓԲԸ-ին՝ որպես լիցենզավորված անձի բացառիկ իրավունք է տրվում իրականացնելու գազամտակարարման համակարգի օպերատորի, ինչպես նաեւ բնական գազի բաշխման գործունեություն Հայաստանի Հանրապետության ողջ տարածքում»,- նշել են «Գազպրոմ Արմենիա» ՓԲԸ-ի Հասարակայնության եւ ԶԼՄ-ների հետ կապերի ծառայությունից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վրաստանը եւ «Գազպրոմը» երկու շաբաթվա ընթացքում կպայմանավորվեն Հայաստան գազի տարանցման շուրջ
Արդյունքները կհրապարակվեն նոր պայմանների քննարկումից հետո...
«Իմ քայլը». Աշխատակիցների հնարավոր կրճատումը «Գազպրոմ Արմենիա» ընկերության գործն ու իրավունքն է
«Գազպրոմ Արմենիայի» եւ իշխանությունների միջեւ բանակցությունները շարունակվում են...
ԵՏՄ վարչապետները փետրվարի 1-ին կքննարկեն միությունում գազի փոխադրման գնագոյացումը
Այս հարցը փետրվարի 1-ին կքննարկվի վարչապետների մակարդակով․․․
ԳԴՀ էկոնոմիկայի նախարարը պատասխանել է «Հյուսիսային հոսք-2»-ի առիթով ԱՄՆ-ի քննադատությանը
Գերմանիայի էկոնոմիկայի նախարար Պետեր Ալթմայերը հանգիստ է արձագանքել ․․․
Վրաստանը չի հրաժարվի Հայաստան ռուսական գազի տարանցումից
Վրաստանը չի պատրաստվում հրաժարվել տրանզիտային գործառույթներից․․․
Շուտով կտրվի Երեւանում նոր ՋԷԿ-ի շինարարության մեկնարկը. «Ռենկո»-ի գլխավոր գործադիր տնօրեն
Նախարարի պաշտոնակատարն ընդունել է «Ռենկո» ընկերության գլխավոր գործադիր տնօրենին...
Ամենաշատ
Ֆոտոռեպորտաժներ