Apple-ը Face ID-ի լազերային տեխնոլոգիայի համար 390 մլն դոլար կներդնի, որն օգտագործվում է iPhone X-ում:
Այս ներդրումները կօգնեն Finisar-ին ընդլայնել լազերների արտադրությունը, որոնք անհրաժեշտ են սմարթֆոնների այնպիսի գործառույթների համար, ինչպիսիք են դեմքերի ճանաչումը, գրում է Fortune-ը:
Ընկերությունը հայտարարել է, որ մտադիր է 10 անգամ ավելի շատ գնել «VCSEL ուղղահայաց ճառագայթող լազերները, քան նույն ժամանակահատվածում արտադրվել է ամբողջ աշխարհում»:
Apple-ը նաեւ նշել է, որ Finisar-ի բոլոր լազերները, ոորնք նա պատրաստվում է գնել, կարտադրվեն Տեխասում: Սա ԱՄՆ-ում արտադրության մեջ զգալի միջոցներ ներդնելու ընկերության ծրագրերի մի մասն է կազմում: