News
Լրահոս
News
Հինգշաբթի
Հուլիս 19
Տեսնել լրահոսը

ՌԴ տնտեսական զարգացման նախկին նախարար Ալեքսեյ Ուլուկաեւը, որը դեկտեմբերի 15-ին 8 տարվա ազատազրկման է դատապարտվել խիստ ռեժիմի գաղութում, մինչեւ դատարանի որոշումն ուժի մեջ մտնելը, կգտնվի Մոսկվայի քննչական մեկուսարաններից մեկում, ավելի շուտ՝ նրան կուղարկեն «Լեֆորտովո» կամ «Մատրոսկայա տիշինա», հայտնում է «ՌԻԱ Նովոստի»-ն՝ վկայակոչելով լավատեղյակ աղբյուրին:

«Ավելի շուտ կենտրոնական մեկուսարաններից մեկը՝ «Մատրոսկայա տիշինա» կամ «Լեֆերտովո»,- ասել է գործակալության զրուցակիցը:

Ուլյուկաեւն իր հերթին դատավճիռն անարդարացի է որակել:

«Ես դատավճիռն անարդարացի եմ համարում, կշարունակեմ պայքարել»,- ասել է նա:

Կրեմլը չի մեկնաբանել Ուլյուկաեւի խիստ դատավճիռը:

Ռուսաստանի նախագահի մամուլի քարտուղար Դմիտրի Պեսկովը չի մեկնաբանել Ալեքսեյ Ուլյուկաեւի դատավճռի ձեւակերպումը, որի համաձայն՝ տնտեսական զարգացման նախկին նախարարի մեղավորության ապացույցը հրաժարականի մասին նախագահական կարգադրությունն է:

«Ես չեմ տեսել, դատարանում նման բան չեմ լսել եւ առավել եւս որեւէ տեքստ չեմ կարդացել, ուստի ձեր հարցին չեմ պատասխանի: Ես պարզապես մտավախություն ունեմ, որ այս դեպքում ինչ-որ բան ենթատեքստից դուրս է»,- նշել է Պեսկովը:

!
Այս նյութը հասանելի է նաև   Русский
Տպել
Ամենաշատ
Partner news